Tambhuruwan
ngalennyer jhila bhula
ngabas dhika asanding
kalaban oreng laen
rassana ate bhula e rojha'
e tobi' e tatta' kalaban gagaman
agilap mardha
bhula ta' nyangka
ngolbu'na raddin robana dhika
daddi pamenjung
se e jungjung
se e ombar e taneyan se calemot kalaban petteng
ngalennyer jhila bhula
copa ampon pae'
ate ampon sake'
tadha' jhalan se e sare
dhalam talangan alessa dhika
pangarep bhula dhalam duwa
malar mandhar dhika jerna'a
daddiya kasamporna'anna odhi'
sareng peleanna atena dhika
tape, tamburuwanna bhula
paggun asapo' dhalam kello'
paggun celo' pas tapelko'
passan bhula
te ngateya dhalam odhi'
melleng sakoni' nyaba tarowanna
sala saphiteng malo tebbusanna
ngalennyer jhila bhula
ngabas dhika asanding
kalaban oreng laen
kasta tor renna
namoy ka dhalam sokma
apangantan kalaban tanges
se lanjhang e bato mata
pangarangan, sumenep 2006
ngabas dhika asanding
kalaban oreng laen
rassana ate bhula e rojha'
e tobi' e tatta' kalaban gagaman
agilap mardha
bhula ta' nyangka
ngolbu'na raddin robana dhika
daddi pamenjung
se e jungjung
se e ombar e taneyan se calemot kalaban petteng
ngalennyer jhila bhula
copa ampon pae'
ate ampon sake'
tadha' jhalan se e sare
dhalam talangan alessa dhika
pangarep bhula dhalam duwa
malar mandhar dhika jerna'a
daddiya kasamporna'anna odhi'
sareng peleanna atena dhika
tape, tamburuwanna bhula
paggun asapo' dhalam kello'
paggun celo' pas tapelko'
passan bhula
te ngateya dhalam odhi'
melleng sakoni' nyaba tarowanna
sala saphiteng malo tebbusanna
ngalennyer jhila bhula
ngabas dhika asanding
kalaban oreng laen
kasta tor renna
namoy ka dhalam sokma
apangantan kalaban tanges
se lanjhang e bato mata
pangarangan, sumenep 2006
Tidak ada komentar:
Posting Komentar